Ալեն Սիմոնյանը՝ ադրբեջանցի հնարավոր դիվերսանտի մասին

Ադրբեջանից դիվերսանտ չի անցել հայկական կողմ։ Այս մասին լրագրողների հետ զրույցում վստահեցրել է ԱԺ նախագահ Ալեն Սիմոնյանը։

«Իսկ ո՞վ ասաց, ծանո՞թ եք իր հետ։ Զինվորն անհետացել է, իսկ ի՞նչ գիտեք, կարող է եկել է ու հանձնվել մեզ, կարող է մոլորվել է, կարող է գերի ենք վերցրել»,- այսպես արձագանքեց նա լրագրողի դիտարկմանը, որ ադրեջանցի դիվերսանտ է անցել հայկական կողմ։

Նա ասաց՝ իր որոշելիքը չէ պաշտոնապես ասել, թե ինչ է կատարվել։

«Լավ ենք չէ՞ սովորել, որ երկիրը ավերվում է, որ պետությունն այնքան թափանցիկ է աշխատում, որ ես պետք է գամ ու ձեզ ասեմ, որ ադրբեջանցի դիվերսանտը եկել է, էս է ասել, էն է ասել, պետական գաղտնիք գոյություն չունի՞», - նշեց Սիմոնյանը։

Հիշեցնենք՝ Ադրբեջանի ՊՆ-ն հայտնել էր, որ Նախիջևանի Սադարակ շրջանի ուղղությամբ անհայտ պայմաններում անհետ կորել է շարքային Ջեյհուն Հուսեյնովը։ Մամուլում լուրեր էին տարծվել, որ ադրբեջանցի զինվոր է անցել Հայաստանի սահման՝ Վայոց ձորի (Արենի) հատվածից: Նրան ձերբակալել են։