ՏԵՍԱՆՅՈՒԹ․ Պատրաստվո՞ւմ եք դիմավորել Բագրատ Սրբազանին․ հարց՝ Սյունիքի մարզպետին
ՀՀ Սյունիքի մարզպետ Ռոբերտ Ղուկասյանն Ազգային ժողովում` պատասխանելով լրագրողների հարցերին՝ նշել է, որ պատրաստ է դիմավորել «Տավուշը հանուն հայրենիքի» շարժման առաջնորդ Բագրատ սրբազանին, եթե նա ոչ որպես քաղաքական գործիչ գնա Սյունիք։
«Եթե այնտեղ լինեմ, ու եթե սրբազանն այնտեղ գա որպես սրբազան, ոչ թե որպես քաղաքական գործիչ, կդիմավորեմ։ Ես եկեղեցու հանդեպ մեծագույն հարգանք ունեմ, գա այդ պահը, կորոշենք»,- ասել է Ղուկասյանը։
Հիշեցնենք՝ Բագրատ սրբազանը հայտնել էր՝ պետք է մարզեր այցելեն, քանի որ այնտեղ էլ անելիք ունեն։ «Տավուշը հանուն հայրենիքի» շարժման անդամներն ու կողմնակիցներն այսօր մեկնել են Գեղարքունիքի մարզ։ Սոթքում հանրահավաք է սպասվում։
