ՏԵՍԱՆՅՈՒԹ․ ԱՄՆ Կոնգրեսում հոր ելույթի ժամանակ որդին ծամածռում է դեմքը՝ դառնալով սոցցանցերի աստղ

ԱՄՆ-ում Հանրապետական կուսակցության ներկայացուցիչ Ջոն Ռոուզը նախօրեին ելույթ է ունեցել: Նրա որդին, որը նստած էր նրա հետևում, ստվերեց կատարումն իր զվարթ ծամածռությամբ: Այս մասին գրում է Associated Press-ը։

«Իրականում, յուրաքանչյուր ոք, ով դիտել է, հավանաբար ուշադրություն չի դարձրել ոչ մի բառի: Ինչպե՞ս կարող էին նրանք դա անել՝ հաշվի առնելով այն ամենը, ինչ կատարվում էր նրա թիկունքում»,- գրում է գործակալությունը։

Սկզբում երեխան նայում էր տեսախցիկին և ժպտում։ Հետո, դատելով կադրերից, նա ձանձրանում էր։ Այսպես, 6-ամյա Գայ Ռոուզը սկսել է լեզուն դուրս հանել, աչքերը շլդիկացնել, գլուխն օրորել եւ մատներով տարբեր ժեստեր ցույց տալ։

AP-ն նշում է, որ Ամերիկայում կոնգրեսականի որդին դարձել է նոր մեմ և սոցցանցերի աստղ։ Երեխան վերջերս դադարել է մանկապարտեզ հաճախել, այդ պատճառով այս ամբողջ շաբաթ գտնվում է իր կոնգրեսական հոր հետ։

Х սոցիալական ցանցում կոնգրեսական Ռոուզը մեկնաբանել է որդու ելույթն իր ելույթի ֆոնին. «Ահա թե ինչ եմ ես ստանում, որ ասում եմ իմ որդուն՝ Գային, որ ժպտա տեսախցիկին՝ հանուն իր կրտսեր եղբոր»: