Սլովակիայի վարչապետը` իր դեմ մահափորձ կատարած անձի մասին է խոսել
Սլովակիայի վարչապետ Ռոբերտ Ֆիցոն ասել է, որ ատելություն չի զգում իր դեմ մահափորձ կատարած անձի նկատմամբ և նախատեսում է աշխատանքի վերադառնալ հունիս-հուլիսի վերջերին։
Այս մասին փոխանցում է Կոմերսանտը։
«Եթե ամեն ինչ ընթանա ըստ պլանի, ես կարող եմ աստիճանաբար վերադառնալ աշխատանքի հունիս-հուլիսի վերջերին։
Ժամանակն է, որ ես անեմ առաջին քայլը. սա ներում է։ Ես չեմ ատում ինձ կրակած մարդուն։ Ես նրա նկատմամբ ոչ մի իրավական քայլ չեմ ձեռնարկի, ինչպես նաև մտադիր չեմ վնասի փոխհատուցում պահանջել։ Ես ներում եմ նրան։ Ի վերջո, ակնհայտ է, որ նա ընդամենը չարի և քաղաքական ատելության դեսպան էր։»,- ասել է Ռոբերտ Ֆիցոն ֆեյսբուքյան իր էջում հրապարակված տեսաուղերձում:
Հիշեցնենք, որ մայիսի 15-ին Սլովակիայի վարչապետի նկատմամբ մահափորձ է իրականացվել։
