Ուկրաինայում 45 մարդ է զոհվել սահմանը լողալով հատելու փորձի ժամանակ. նրանք զորահավաքից փախչելուց են եղել
Մոտ 45 ուկրաինացիներ զոհվել են երկրի արևմտյան սահմանով զորահավաքից փախչելու փորձի ժամանակ։ Այս մասին հայտնել Է Ուկրաինայի սահմանապահ ծառայությունը։ Նշվում է, որ խուսափողներն ընտրել են երթուղին լեռներով և Տիսա գետով, որն անցնում է Ռումինիայի և Հունգարիայի հետ Ուկրաինայի սահմանով: Հենց նրա ջրերում են խեղդվել հայտնաբերված տղամարդկանց «առյուծի բաժինը»։
Գերատեսչությունում հավելել են, որ սահմանապահները փրկել են նրանց, «ում կարողացել են», ինչպես նաեւ նշել են, որ վերջին ժամանակներս նկատվում է «վայրի կենդանիների, մասնավորապես արջերի հայտնվելու դեպքերի աճ, որոնք գալիս են իրավախախտների թողած ուտելիքի հոտին»:
«Ով գիտի ՝ այն մարդը, ում հետ կապը կորել է, ընկել է ձորը, թե ճակատագրական հանդիպում է ունեցել կենդանական աշխարհի ներկայացուցիչների հետ», - հավելել են վարչությունից:
Այս շաբաթ Ուկրաինայի զինված ուժերի հարվածային անօդաչուների վաշտի հրամանատար Յուրի Ֆեդորենկոն խոստովանել է, որ երկրում բավարար տղամարդիկ չկան մոբիլիզացիայի երկրորդ ալիքի համար:
Ուկրաինայում մայիսի 18-ից ուժի մեջ է մտել զորահավաքի ուժեղացման մասին սկանդալային օրենքը, որը նախատեսում է զինապարտների նկատմամբ պահանջների խստացում և նրանց իրավունքների էական սահմանափակում, ովքեր չեն ցանկանում զոհվել առաջնագծում: Օրենքի գլխավոր նպատակն է հնարավորինս շատ մարդկանց զորակոչել Ուկրաինայի զինված ուժերի շարքեր, որոնք անձնակազմի սուր պակաս ունեն, և միևնույն ժամանակ հնարավորինս նվազեցնել խուսափողների թիվը: Մոբիլիզացիայի ուժեղացումը պնդում էին նաև Կիևի արևմտյան դաշնակիցները, առաջին հերթին ՝ ԱՄՆ-ը։
Այժմ Ուկրաինայում բոլոր զինապարտները 60 օրվա ընթացքում պարտավոր են թարմացնել իրենց տվյալները զինկոմիսարիատում։
