ՏԵՍԱՆՅՈՒԹ. Ստամբուլում 4 հարկանի բնակելի շենք է փլուզվել. փլատակներում մարդիկ կան

Ստամբուլի արևմուտքում 4 հարկանի բնակելի շենք է փլուզվել, փլատակներում մարդիկ են հայտնվել, հայտնում է Yeni Şafak-ը: Պարբերականի տեղեկություններով՝ շենքը փլուզման ստույգ պատճառը դեռ հայտնի չէ: Փլատակներում մի քանի մարդ է հայտնվել. տեղական իշխանությունները դեռ չեն հաստատել այդ տեղեկությունը: TGRT Haber-ը գրում է մեկ տուժած տղամարդու մասին։ Նա հայտնել է, որ փլատակներում է գտնվում իր կինը։ Դեպքի վայր են ժամանել ոստիկանությունը, հրշեջներն ու բժիշկները:

2023 թվականի փետրվարին Ստամբուլում սկսեցին քանդել այն տները, որոնք «ցանկացած պահի» կարող են փլուզվել։ Քաղաքային վարչակազմի տվյալներով՝ խոսքը 318 շենքերի մասին է, որոնցում բնակվում է 10 հազար մարդ։ Եվս 1,5 հազար տներ դասվել են բարձր ռիսկի կատեգորիաներին։

Երեք տարվա ընթացքում ստացվել է մոտ 30 հազար դիմում, իսկ փետրվարի սկզբից տեղի ունեցած երկրաշարժերից հետո, որոնց հետեւանքով զոհվել է ավելի քան 40 հազար մարդ, ստացվել է գրեթե 40 հազար դիմում, պատմել են տեղական իշխանությունները: Նույն թվականի օգոստոսին քաղաքի վարչակազմի ներկայացուցիչները նախազգուշացրել էին քաղաքում 600 հազար տների փլուզման վտանգի մասին։