ՏԵՍԱՆՅՈՒԹ․ Սահակաշվիլիի կուսակցության գրասենյակը հարձակման է ենթարկվել

Թբիլիսիում ամենախոշոր ընդդիմադիր «Միասնական ազգային շարժում» կուսակցության կենտրոնական գրասենյակը գիշերը հարձակման է ենթարկվել։ Այս մասին ասված է կուսակցության տարածած հայտարարության մեջ («Միասնական ազգային շարժում» կուսակցության հիմնադիրներից մեկը Վրաստանի նախկին նախագահ Միխեիլ Սահակաշվիլին էր, որը բանտային պատիժ է կրում):

Ընդդիմադիրները պնդում են, որ գրասենյակի վրա հարձակմանը մասնակցել է մոտ 100 մարդ, որոնք ներկել են գրասենյակի պատերը:

«Վանդալիզմի ակցիան շարունակվել է մոտ կես ժամ։ Վնասվել են գրասենյակի շենքի ճակատային մասը, կոտրվել են ապակիները։ Սա հոգեվարքի մեջ գտնվող իշխանությունների պատասխանն է «Միասնական ազգային շարժմանը»՝ հանուն Վրաստանի շահերի պաշտպանության և վրաց ժողովրդի աջակցության», - ասվում է ՄԱՇ-ի հայտարարության մեջ։

ՆԳՆ-ն առայժմ որևէ մեկնաբանություն չի արել գրասենյակի վրա հարձակման մասին ընդդիմադիր կուսակցության հայտարարության վերաբերյալ: