![Իսրայելը հարվածներ է հասցրել Լիբանանի հարավում գտնվող «Հըզբոլլահ»-ի ռազմական օբյեկտներին](https://auroranews.am/storage/img/base_image/2024-06-01/665ae925d3215.webp)
Իսրայելը հարվածներ է հասցրել Լիբանանի հարավում գտնվող «Հըզբոլլահ»-ի ռազմական օբյեկտներին
![Իսրայելը հարվածներ է հասցրել Լիբանանի հարավում գտնվող «Հըզբոլլահ»-ի ռազմական օբյեկտներին](https://auroranews.am/storage/img/base_image/2024-06-01/665ae925d3215.webp)
ՑԱԽԱԼ-ը հայտարարել է Գազայի հատվածում ավիահարվածների հետևանքով ՀԱՄԱՍ-ի երեք հայտնի անդամների մահվան մասին: Իսրայելի բանակը հայտնել է, որ վերջին օրերին Գազայի հատվածում ավիահարվածների հետևանքով սպանվել են պաղեստինյան ՀԱՄԱՍ խմբավորման անդամներ, հայտնում է Times of Israel-ը:
Գիշերն իսրայելական կործանիչները հարվածներ են հասցրել Լիբանանի հարավում գտնվող «Հըզբոլլահ» իրանամետ շարժմանը պատկանող «կարևոր օբյեկտների» ուղղությամբ՝ ի պատասխան Իսրայելի վերջին հրթիռակոծությունների: Իսրայելի պաշտպանության բանակի (ՑԱԽԱԼ) տվյալներով՝ ավիահարվածներ են հասցվել Այն Կան, Հմաիլ և Ադլուն շրջաններին։
Բացի այդ, իսրայելական կործանիչները հարվածներ են հասցրել Թայր Հարֆում գտնվող «Հեզբոլլահի» դիտակետերին, Ջեբբայնում և Խիամում շիա խմբավորման կողմից օգտագործվող շենքերին, ինչպես նաև Մաջդալ Զունում հրթիռային կայանին, որը պատասխանատու է Իսրայելի հյուսիսում վերջին հարձակման համար: Տուժել է նաև Ռաչայա էլ Ֆուհարի ենթակառուցվածքը։
Այսօր առավոտյան Լիբանանից երկու հրթիռ է արձակվել Իսրայելի Հյուսիսային Յիֆթա համայնքի ուղղությամբ: IFD-ում հաստատել են, որ երկու արկերն էլ ընկել են բաց տարածքում, ինչը թույլ է տվել խուսափել զոհերից եւ զգալի վնասներից: