Իրանի արտահերթ նախագահական ընտրություններում գրանցվել է առաջին կին թեկնածուն
Իրանում բժիշկ և քաղաքական գործիչ Զոհրե Էլահիանը դարձել է առաջին կինը, ով գրանցվել է առաջիկա արտահերթ նախագահական ընտրություններում, որոնք նշանակվել են ավիավթարի հետևանքով նախագահ Էբրահիմ Ռաիսիի մահից հետո։ Այս մասին հունիսի 1-ին հայտնել է Mehr-ը։
Ինչպես նշում է գործակալությունը, գրանցումից հետո Էլահյանը հայտարարել է, որ իր կարգախոսը կլինի «առողջ կառավարություն, առողջ տնտեսություն և առողջ հասարակություն»։ Նա ընդգծել է իր հպարտությունը երկրի ձեռքբերումներով և խոստացել է ներկայացնել կառավարման նոր տարբերակ, որը կօգտագործի երիտասարդների ներուժը և արժեւորի քաղաքական և սոցիալական ազատությունները:
Ինքը՝ քաղաքական գործիչը, X սոցիալական ցանցում (նախկինում՝ Twitter) մեկնաբանել է ընտրություններում իր գրանցումը։
«Հույսի և պատվի արևը կծագի իսլամական Իրանի վրայով՝ պայծառ ապագայի և պատվի գագաթնակետին հասնելու հույսով: Մեծերի հետ խորհրդակցելուց հետո մի քանի ժամից ներկա կլինեմ երկրի նախընտրական շտաբում՝ որպես իմ երկրի կանանց համայնքի մի փոքր մաս»,- գրել է նա։
