![Ֆրանսիայում ազգությամբ չեչեն է ձերբակալվել, որը Օլիմպիական խաղերի ժամանակ ահաբեկչություն էր ծրագրել](https://auroranews.am/storage/img/base_image/2024-06-01/665aed8a975ff.webp)
Ֆրանսիայում ազգությամբ չեչեն է ձերբակալվել, որը Օլիմպիական խաղերի ժամանակ ահաբեկչություն էր ծրագրել
![Ֆրանսիայում ազգությամբ չեչեն է ձերբակալվել, որը Օլիմպիական խաղերի ժամանակ ահաբեկչություն էր ծրագրել](https://auroranews.am/storage/img/base_image/2024-06-01/665aed8a975ff.webp)
Ֆրանսիայում ազգությամբ չեչեն 18-ամյա երիտասարդ է ձերբակալվել, նա կասկածվում է ահաբեկչություն ծրագրելու մեջ։ Ձերբակալվածի անունն առայժմ չի նշվում, գրում է Euronews-ը։
Ֆրանսիայի ներքին գործերի նախարար Ջերալդ Դարմանինի խոսքով՝ կասկածյալը ծրագրել էր ահաբեկչություն իրականացնել Լիոնից ոչ հեռու գտնվող Սենտ Էտյեն քաղաքի «Ջեֆրոյ Գիշար» մարզադաշտում՝ Ֆուտբոլի օլիմպիական խաղերի ժամանակ։
Ենթադրյալ հանցագործը կալանավորվել է մայիսի 22-ին, իսկ չորս օր անց նրան մեղադրանք է առաջադրվել։ Ըստ Դարմանինի՝ կալանավորն ասել է, որ չէր ցանկանում զենքով մտնել մարզադաշտ և ծրագրել էր հարձակվել մարզադաշտից դուրս գտնվող հանդիսատեսների վրա։