ՏԵՍԱՆՅՈՒԹ. Վրաստանի խորհրդարանի մոտ մոբիլիզացվել են հատուկ ջոկատայիններ և ջրցան մեքենաներ
Վրաստանի խորհրդարանին հարող Ազատության հրապարակում մոբիլիզացվել են հատուկ ջոկատայիններ և ջրցան մեքենաներ այն բանից հետո, երբ խորհրդարանը հաղթահարեց նախագահ Սալոմե Զուրաբիշվիլիի վետոն օտարերկրյա գործակալների մասին օրենքի վրա: Ուժայինների հավաքատեղիից տեսանյութ է հրապարակել Sputnik Գրուզիան։
Պատգամավորներն արդեն լքել են խորհրդարանի շենքը։ Այժմ Ռուսթավելի պողոտայում ցուցարարները լսում են ընդդիմության խոսնակներին:
Մայիսի 28-ին Վրաստանի խորհրդարանը հաղթահարեց Սալոմե Զուրաբիշվիլիի կողմից դրված նախագահական վետոն օտարերկրյա գործակալների մասին օրենքի վրա։ Պատգամավորները կողմ են արտահայտվել օրենքի սկզբնական տարբերակին։ Երկրի ղեկավարը նախկինում այս փաստաթուղթն անվանել է «ռուսական օրենք», իսկ ԱՄՆ-ի և ԵՄ-ի իշխանությունները զգուշացրել են Թբիլիսիին նման որոշում կայացման դեպքում հնարավոր հետևանքների մասին։
