Սա այն իրականությունն է, որի հետ մենք պետք է գործ ունենանք․ Պեսկով
ՆԱՏՕ-ն սիրախաղ է անում ռազմական հռետորաբանության մեջ, բարձրացնում է էսկալացիայի աստիճանը և ընկնում ռազմական էքստազի մեջ։ Այս մասին «Իզվեստիա»-ին ասել Է ՌԴ նախագահի մամուլի քարտուղար Դմիտրի Պեսկովը: Փոխանցում է ՌԻԱ Նովոստին։
«ՆԱՏՕ-ն բարձրացնում է էսկալացիայի աստիճանը, ՆԱՏՕ-ն սիրախաղ է անում ռազմական հռետորաբանության մեջ, ընկնում է նման ռազմական էքստազի մեջ։ Սա այն իրականությունն է, որի հետ մենք պետք է գործ ունենանք հետագայում», - ասել է նա։
Ավելի վաղ ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ «Ուկրաինան իրավունք ունի», այդ թվում՝ հարձակվել «Ռուսաստանի տարածքում ռազմական թիրախների վրա», եւ հավելել էր, որ «որոշ դաշնակիցներ» հարվածների համապատասխան սահմանափակումները հանել են․ «Կարծում եմ, որ եկել է այլ սահմանափակումներ եւս հանելու ժամանակը», հայտարարել Է Ստոլտենբերգը:
Պեսկովի խոսքով՝ ՆԱՏՕ-ն ուղղակի առճակատման մեջ է Ռուսաստանի հետ:
«Նրանք մոտ չեն, նրանք այնտեղ են», - ասել է նա՝ պատասխանելով հարցին, թե արդյոք ՆԱՏՕ-ն անմիջական առճակատման է մոտենում ՌԴ-ի հետ:
