«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանի համարում գաղտնալսող սարք տեղադրելու փորձի դեպքի առթիվ քրեական վարույթը նախաձեռնվել է սարք տեղադրողին հոգեկան տառապանք պատճառելու համար։ Տեղեկությունը Sputnik Արմենիային հայտնել են ՀՀ դատախազության մամուլի ծառայությունից։

Նշենք` լրատվամիջոցները հայտնել էին, որ Բագրատ սրբազանի հյուրանոցային համարը գաղտնալսելու նպատակով փորձել են ստորին հարկի առաստաղը ծակել և լսող սարք տեղադրել։ Ավելի ուշ սրբազանի սենյակ են ժամանել ոստիկանները։ Համարից նրանց ուղեկցությամբ դուրս է եկել մի կին, որը Էլեն Աղասյանն է եղել։ Նա ժամանակին աշխատել է ՀՀ ՊՆ–ում, իսկ սոցցանցերում հայտնվել են նրա հին լուսանկարները՝ համազգեստով։ Ավելի ուշ հայտնի դարձավ, որ պաշտպանական կառույցում Էլեն Աղասյանն այլևս չի աշխատում։ Սրբազանն էլ հայտնել է, որ ինքը շատ լավ է ճանաչում Էլենին և նրա ընտանիքին, մտերիմ է եղել։

«Այդ դեպքի առնչությամբ քաղաքացուց է հաղորդում ստացվել, նախաձեռնվել է քրեական վարույթ՝ ՀՀ քրեական օրենսգրքի 194-րդ հոդվածի (հոգեկան ներգործությունը) 1-ին մասի հատկանիշներով»,– ասել են դատախազությունից։