Դեպի Բագրատաշենի անցակետ տանող ճանապարհի երթևեկությունը վերականգնված է

Դեպի Բագրատաշենի անցակետ տանող ճանապարհի երթևեկությունը վերականգնված է։ Տեղեկությունը հայտնում է ՀՀ պետական եկամուտների կոմիտեի մամուլի ծառայությունը։

«Բագրատաշեն-Նոյեմբերան-Իջևան-Դիլիջան-Երևան և հակառակ ուղղությամբ երթուղով երթևեկությունը վերականգնված է»,- նշված է հաղորդագրության մեջ։

Իսկ Բագրատաշենից դեպի Հաղթանակ գյուղ և Իջևան-Դիլիջան հատվածներում երևեկությունն իրականացվում է միակողմանի։ ՊԵԿ-ից խնդրում են նշված տեղամասերով երթևեկել խիստ անհրաժեշտության դեպքում:

Կոմիտեից նաև շեշտում են, որ «Բագրատաշեն» մաքսային անցման կետը գործում է բնականոն:

Ավելի վաղ հայտնել էինք, որ հորդառատ անձրևների պատճառով անանցանելի են դարձել դեպի պետական սահմանի «Բագրատաշեն» անցման կետ տանող ճանապարհները։