ԵՄ-ում խոսել են Վրաստանի վարչապետին ուղղված սպառնալիքների մասին
Ֆրանսիայի «Հայրենասերներ» կուսակցության առաջնորդ, Եվրախորհրդարանի ընտրություններում թեկնածու Ֆլորիան Ֆիլիպոն X սոցցանցում ԵՄ-ն մաֆիոզ միավորում է անվանել Վրաստանի վարչապետ Իրակլի Կոբախիձեի հասցեին հարևանության և ընդլայնման հարցերով եվրահանձնակատար Օլիվեր Վարխելիի կողմից հնչեցրած սպառնալիքներից հետո:
Հինգշաբթի Վրաստանի վարչապետը հայտնել էր, որ ԵՀ անդամներից մեկը օտարերկրյա գործակալների մասին օրենքի մասին խոսելիս իրեն վախեցրել է Սլովակիայի վարչապետ Ռոբերտ Ֆիցոյի դեմ վերջերս կատարված մահափորձի օրինակով: Ավելի ուշ Վարխելին հայտարարել է, որ Կոբախիձեի հետ իր հեռախոսազրույցի այդ հատվածը, իբր, դուրս են բերել կոնտեքստից։
Քաղաքական գործչի խոսքով՝ Եվրամիությունն անհրաժեշտ է ոչնչացնել միավորումից Ֆրանսիայի դուրս գալու ճանապարհով:
Ֆիցոյի դեմ մահափորձը տեղի է ունեցել մայիսի 15-ին՝ Գանդլովա քաղաքում կառավարության արտագնա նիստից հետո։ Կրակը բացել է 71-ամյա գրող Յուրայ Ցինտուլան, երբ վարչապետը մոտեցել է հավաքվածներին ողջունելու համար։ Քաղաքական գործչի մեջ չորս փամփուշտ է ընկել, որոնցից մեկը խոցել է նրա ստամոքսը։
Այժմ նրա վիճակը կայունացել է։ Հարձակվողին ձերբակալել են տեղում։
Ֆիցոն բազմիցս դեմ է արտահայտվել Ուկրաինային զենքի մատակարարմանը, ինչպես նաև հայտարարել է, որ կարգելափակի այդ երկրի անդամակցությունը ՆԱՏՕ-ին: Նա նաև ընդգծել է, որ Սլովակիան այն երկրների շարքում չէ, որոնք շահագրգռված են Ռուսաստանից թշնամի դարձնել: Անցած շաբաթ Վրաստանի խորհրդարանը ձայների մեծամասնությամբ երրորդ՝ վերջնական ընթերցմամբ ընդունել է օտարերկրյա գործակալների մասին օրինագիծը։ Փաստաթղթի շուրջ ընթացակարգերն ուղեկցվել են բողոքի ակցիաներով, ոստիկանությունը ցրել է նրանց և բերման ենթարկել ակտիվիստներին։
Ընդդիմությունը պնդում է, որ փաստաթուղթը ներկայացնում է օտարերկրյա գործակալների մասին ռուսական օրենքի անալոգը։
Արևմտյան երկրները հանդես են եկել Թբիլիսիի հասցեին սպառնալիքներով։ Այսպես, Սպիտակ տան մամուլի քարտուղար Կարին Ժան Պիերը նախազգուշացրել է, որ Վաշինգտոնը հիմնովին կվերանայի երկկողմ հարաբերությունները, եթե օրենքն ուժի մեջ մտնի:
Պետդեպարտամենտի պատժամիջոցների համակարգման վարչության ղեկավար Ջիմ Օ'Բրայենն իր հերթին հայտարարել է, որ ԱՄՆ-ն կարող է սահմանափակումներ մտցնել Վրաստանի դեմ, եթե խորհրդարանի ընդունած նախագիծը չփոխվի: Իսկ ԵՄ-ում խոստացել են սառեցնել միությանն անդամակցելու Հանրապետության հայտը։
