![ԼՈՒՍԱՆԿԱՐՆԵՐ․ Պուտինը երկար Aurus ավտոմեքենա է նվիրել Բահրեյնի թագավորին](https://auroranews.am/storage/img/base_image/2024-05-23/664f4352a661c.webp)
ԼՈՒՍԱՆԿԱՐՆԵՐ․ Պուտինը երկար Aurus ավտոմեքենա է նվիրել Բահրեյնի թագավորին
![ԼՈՒՍԱՆԿԱՐՆԵՐ․ Պուտինը երկար Aurus ավտոմեքենա է նվիրել Բահրեյնի թագավորին](https://auroranews.am/storage/img/base_image/2024-05-23/664f4352a661c.webp)
ՌԴ նախագահ Վլադիմիր Պուտինը Բահրեյնի թագավորին է նվիրել հայրենական Aurus ավտոմեքենայի երկար տարբերակը։ Այս մասին հայտարարել է պետության ղեկավարի միջազգային հարցերով օգնական Յուրի Ուշակովը:
ՌԴ նախագահի օգնականը հաստատել է, որ այս այցի ընթացքում առաջնորդները նվերներ են փոխանակել։
«Այո, իհարկե: Կարող եմ ասել՝ ներառյալ Aurus մեքենայի երկար տարբերակը»,- ասել է Ուշակովը՝ խոսելով նվերների փոխանակման մասին։
Բահրեյնի թագավորը Ռուսաստան է ժամանել մայիսի 22-ին՝ Պուտինի հրավերով։ Պետությունների ղեկավարները մտադիր են քննարկել առևտրի, տնտեսական, էներգետիկ և հումանիտար ոլորտներում երկրների միջև համագործակցության վիճակը և հեռանկարները, ինչպես նաև բարձրացնել միջազգային օրակարգի արդի հարցերը, ներառյալ՝ իրավիճակը Մերձավոր Արևելքում: Բացի այդ, կողմերը նախատեսում են քննարկել Արաբական պետությունների լիգայի 33-րդ գագաթնաժողովի արդյունքները, որը տեղի է ունեցել մայիսի 16-ին՝ Մանամայում։