Զարմանալի չի լինի, եթե պարզվի, որ Ռայիսիի մահը դիվերսիա է. թուրք քաղաքական գործիչ

Թուրքական ձախակողմյան Vatan կուսակցության առաջնորդ Դողու Փերինչեքը կոչ է արել չզարմանալ, եթե Իրանի նախագահի և արտգործնախարարի մահվան պատճառ դարձած ավիավթարը դիվերսիա լինի։ Այս մասին գրում է Aydınlık թերթը, փոխանցում է РИА Новости-ն։

Քաղաքական գործչի խոսքով՝ ինքը վստահում է իրանական պետության պնդումներին, թե դա պատահականություն է եղել։

 «Ինձ թվում է նաև, որ սա դժբախտ պատահար է, բայց զարմանալի չի լինի, եթե պարզվիք սպանություն է», - ընդգծել է Փերինչեքը։

Նա նշել է, որ իրանական պետությունը «ամերիկյան իմպերիալիզմի և իսրայելական սիոնիզմի» դեմ պայքարող առաջատար երկրներից է։

 «Եվ հենց այս երկիրն է դառնալու նման սպանությունների թիրախ»,- հավելել է քաղաքական գործիչը։

Ավելի վաղ թուրքական Aydınlık թերթի սյունակագիր Իսմեթ Օզչելիքն ասել էր, որ Ռաիսիի մահը չի ազդի Իրանի արտաքին քաղաքականության վրա։