Մեծ Բրիտանիայի խորհրդարանի արտահերթ ընտրությունները տեղի կունենան հուլիսի 4-ին։ Այս մասին հայտարարել է Մեծ Բրիտանիայի վարչապետ Ռիշի Սունակը։

Մայիսի 22-ին ելույթ ունենալով Լոնդոնում՝ իր նստավայրի դիմաց՝ Մեծ Բրիտանիայի վարչապետը նշել է, որ եկել է ժամանակը, որ Մեծ Բրիտանիայի ժողովուրդը որոշի, թե արդյոք ցանկանում է «հիմնվել ձեռք բերված առաջընթացի վրա, թե ռիսկի դիմել՝ կրկին հայտնվելով սկզբում»։

«Այսօր ավելի վաղ Նորին Մեծություն Թագավորի (Խմբ.՝ Չարլզ III–ի) հետ զրույցում ես խնդրեցի ցրել խորհրդարանը։ Թագավորը բավարարել է այս խնդրանքը, և մենք հուլիսի 4-ին կունենանք համընդհանուր ընտրություններ»,- Սունակի խոսքը մեջբերում է ՏԱՍՍ-ը։

Ավելի վաղ Sky News-ը հայտնել էր, որ Սունակը մտադիր է հուլիսի 4-ին նշանակել Մեծ Բրիտանիայի խորհրդարանի ընտրություններ։