Նորվեգիան Պաղեստինը ճանաչում է որպես պետություն
Նորվեգիան Պաղեստինը ճանաչում է որպես պետություն, որոշումն ուժի մեջ է մտնում մայիսի 28-ից:
«Նորվեգիայի կառավարությունը որոշել է, որ Նորվեգիան ճանաչում Է Պաղեստինը որպես պետություն», - ասվում է Նորվեգիայի կառավարության կայքում տեղադրված հայտարարության մեջ:
Նշվում է, որ պաղեստինյան պետության պաշտոնական ճանաչումն ուժի մեջ կմտնի մայիսի 28-ին:
Նորվեգիայի վարչապետ Յոնաս Գար Ստերեն և արտաքին գործերի նախարար Էսպեն Բարտ Էյդեն մամուլի ասուլիսին պնդել են, որ Պաղեստինի պետության ճանաչումը անհրաժեշտ է Մերձավոր Արևելքում խաղաղության հաստատման համար։
«Երբ մենք ճանաչենք Պաղեստինը, կկարողանանք ավելի վճռականորեն խրախուսել այլ երկրներին՝ աջակցել պաղեստինյան պետության կառուցմանը, և կկարողանանք Պաղեստինյան պետությանը պատասխանատվության ենթարկել», - նշել է Ստերեն:
Ավելի վաղ հայտնել էինք, որ Եվրոպական երեք երկրներ, այդ թվում՝ Իռլանդիան և Իսպանիան, մտադիր են այսօր՝ մայիսի 22-ին, հայտարարել Պաղեստինը որպես պետություն ճանաչելու մասին:
