«Իրանի ժողովուրդը պետք է ավելի լավ զգա իրեն՝ Ռաիսիի մահից հետո»․ Բլինքեն
Իրանի ժողովուրդը պետք է ավելի լավ զգա իրեն՝ նախագահ Իբրահիմ Ռայիսիի մահից հետո՝ նրա կատարած դատապարտելի գործողությունների պատճառով: Այս մասին Սենատում լսումների ժամանակ հայտարարել է ԱՄՆ Պետդեպարտամենտի ղեկավար Էնթոնի Բլինքենը:
«Հաշվի առնելով այն սարսափելի գործողությունները, որոնք նա կատարել է որպես դատավոր և որպես նախագահ, այո՛, Իրանի ժողովուրդը պետք է ավելի լավ զգա իրեն», - ասել է նա՝ պատասխանելով սենատոր Թեդ Քրուզի ՝ «արդյո՞ք աշխարհն ավելի լավն է դարձել Ռայիսին մահից հետո» հարցին:
Հիշեցնենք՝ մայիսի 20-ին ԱՄՆ Պետդեպարտամենտը պաշտոնական ցավակցություն է հայտնել Ռաիսիի և նրա ուղղաթիռում գտնվող մյուս քաղաքական գործիչների մահվան կապակցությամբ, որոնք վթարի են ենթարկվել:
