ՏԵՍԱՆՅՈՒԹ. «Դուք դրանով ձեր վախերն եք ընդամենը բացահայտում». Արծվիկ Մինասյան

ԱԺ «Հայաստան» խմբակցության քարտուղար Արծվիկ Մինասյանն իշխանություններին կոչ է արել հետևել իրենց բառապաշարին․ «Փորձում են վիրավորանքներ հասցնելով իբր նսեմացնել շարժումը։ Դուք դրանով ձեր վախերն եք ընդամենը բացահայտում, ի ցույց դնում»,- ասել է նա։

Ըստ Մինասյանի՝ իշխանություններն օգտագործում են «սահմանի վերարտադրություն» հասկացությունը. «Բացեք, տեսեք՝ որևէ օրենքում «սահմանի վերարտադրություն» հասկացություն կա՞»։

Արձագանքելով Մինասյանի ելույթին՝ ԱԺ նախագահ Ալեն Սիմոնյանն ասել է. «Պարոն Մինասյան, Դուք պնդում եք, որ Հայաստանը որևէ սահման չունի՞։ Մենք ինչ-որ սահմանով անկախացել ենք, չէ՞։ Դուք՝ երկրորդ խմբակցության քարտուղարը, հայտարարում եք, թե Հայաստանը սահման չունի։ Հիմա որ մեր հակառակորդը գա, ձեր գրասենյակի մոտ պոստ դնի, ասի՝ Արծվիկ Մինասյանն ասել է՝ սահման չկա, այդ ժամանակ ի՞նչ եք ասելու»։