Կիրանցում, Ոսկեպարում ու մյուս գյուղերում 2026-ի ընտրություններում ՔՊ-ն հաղթելու է շռնդալից ձևով․ ԱԺ նախագահ

ԱԺ նախագահ Ալեն Սիմոնյանի խոսքով՝ պարտադիր չէ, որ ՔՊ պատգամավորները գնան ու Կիրանցում շոու անեն։

«Պարտադիր չէ, որ գնան, վիդեո նկարեն ու ցույց տան»,- լրագրողներին ասաց նա։

Սիմոնյանը նշեց, որ ամենաառաջինը վարչապետն է գնացել Կիրանց։

Նրա խոսքով՝ ընդդիմադիրները գնում են, «բզբզում են ու մարդկանց հույզերի վրա են խաղում»։

«Որ ասում եք մարդիկ իրենց տներից դուրս կգան՝ խոսքը գնում է մեկ տան ու մեկ տնակի մասին, որը բնակելի է, պետությունը շատ ավելի շատ ձևով այդ մարդկանց կփոխհատուցի, պարտադիր չէ, որ ՔՊ-ական պատգամավորները գնան, շոու անեն»,- ասաց Սիմոնյանը։

Նա վստահեցրեց, թե Հայաստանը որևիցե մեկին չի նեղացնելու, անտեր ու անտուն չի թողնելու։

«Որևիցե մեկը թող դրանում չկասկածի»,- հավելեց Սիմոնյանը։

Նա հայտարարեց, թե Կիրանցում, Ոսկեպարում ու մյուս գյուղերում 2026 թվականի ընտրություններում ՔՊ-ն հաղթելու է շռնդալից ձևով։