Էրդողանը Թուրքիայում մեկօրյա սուգ է հայտարարել Ռաիսիի մահվան կապակցությամբ
Թուրքիայում մեկօրյա համազգային սուգ է հայտարարվելու Իրանի նախագահ Իբրահիմ Ռաիսիի մահվան կապակցությամբ։ Այս մասին հայտարարել է հանրապետության նախագահ Ռեջեփ Թայիփ Էրդողանը։
Իրանի առաջնորդի մահվան մասին հայտնի է դարձել երկուշաբթի՝ մայիսի 20-ին։ Ռաիսիին տեղափոխող ուղղաթիռը կործանվել է։
«Իրանի նախագահի մահվան կապակցությամբ մենք որոշեցինք մեկօրյա սուգ հայտարարել մեր երկրում՝ խորը վիշտը կիսելու համար Իրանի ժողովրդի հետ», - ТАСС-ի փոխանցմամբ՝ ասել է Էրդողանը։
Ավելի վաղ Իրանի փոխնախագահ Մոհսեն Մանսուրին հայտարարել էր, որ Ռաիսիի հուղարկավորությունը տեղի կունենա մայիսի 23-ին Ռազավի Խորասան նահանգի Մաշհադ քաղաքում։
