Թեհրանում չեն բացառում, որ տեղի ունեցածը Բաքվի միջոցով գործող Իսրայելի ձեռքի գործն է. Աբբաս Ջումա
Թեհրանում շատերը (գրեթե բոլորը), ում հետ հիմա քննարկում եմ իրավիճակը, չեն բացառում, որ տեղի ունեցածը Իսրայելի ձեռքի գործն է, որը գործում է Բաքվի միջոցով։ Այս մասին Telegram-ի իր ալիքում գրել է իրանցի հայտնի լրագրող Աբբաս Ջուման՝ այսպես մեկնաբանելով Իրանի նախագահ Էբրահիմ Ռաիսիի և այլ բարձրաստիճան պաշտոնյաների տեղափոխող ուղղաթիռի կործանումը։
«Ես Թեհրանում եմ։ Շատերը (գրեթե բոլորը), ում հետ ես հիմա քննարկում եմ իրավիճակը, կա՛մ վստահ են, կա՛մ չեն բացառում, որ տեղի ունեցածը Բաքվի միջոցով գործող Իսրայելի ձեռքի գործն է։
Մեկնաբանություններում հիստերիայից և պանթյուրքիստական հինգերորդ կետերի զանգվածային հարձակումից խուսափելու համար շեշտում եմ, որ սա մեղադրանք չէ, ապացույցներ չկան։ Ընդամենը Իսլամական Հանրապետության մայրաքաղաքում տիրող տրամադրությունների հստակ ցուցադրում է։ Այստեղ շատերը գրեթե նույնացնում են Իսրայելն ու Ադրբեջանը»,- գրել է Ջուման։
