Գերմանիայի պաշտպանության նախարարությունը կառավարությունից ևս 3,8 միլիարդ եվրո է խնդրել Ուկրաինային օգնելու համար, գրում է Bild թերթը՝ հղում անելով իր աղբյուրին։

«Bild-ի տվյալներով՝ պաշտպանության նախարար Բորիս Պիստորիուսի ղեկավարած գերատեսչությունը հայտնել է ընթացիկ ֆինանսական տարվա ընթացքում Ուկրաինային 3,8 միլիարդ եվրոյի լրացուցիչ օգնության կարիքի մասին»,- ասվում է հոդվածում։

Հավելյալ օգնության խնդրանքը խորհրդարանի հաստատմանը կներկայացվի հունիսին։

Հրատարակության տվյալներով՝ հաջորդ տարի Բունդեսվերը կարող է բարձրացնել Ուկրաինային ռեկորդային 15 միլիարդ եվրոյի չափով օգնություն տրամադրելու հարցը։