Սրբազանը հանդիպել է Տեր–Պետրոսյանի կուսակցության ներկայացուցիչների հետ․ ինչ են քննարկել
«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը հանդիպել է ՀՀ առաջին նախագահ Լևոն Տեր Պետրոսյանի կուսակցության` Հայ ազգային կոնգրեսի անդամներ Լևոն Զուրաբյանի ու Արամ Մանուկյանի հետ։ Այս մասին նա հայտնեց լրագրողների հետ զրույցում։
«Խոսել ենք իրենց դիրքորոշման ու կեցվածքի մասին, և հետո մենք երկար տարիների բարեկամություն ունենք։ Ի վերջո ես հոգևորական եմ»,– ասաց Բագրատ սրբազանը։
Լրագրողի հարցին, թե ՀԱԿ անդամներն արդյոք աջակցում են շարժման կողմից առաջ քաշված պահանջներին, օրինակ` Նիկոլ Փաշինյանի հրաժարականին, նա պատասխանեց` այդ մասին ասելու կարիք չկար, քանի որ նրանք մեկ անգամ չէ, որ խոսել են դրա մասին։
