ԵՄ խորհուրդն արգելել է ռուսական 3 լրատվամիջոցների հեռարձակումը
ԵՄ խորհուրդը որոշում է ընդունել անդամ երկրներում դադարեցնել ՌԴ երեք լրատվամիջոցների և Պրահայում տեղակայված Voice of Europe պորտալի հեռարձակման գործունեությունը: Այս մասին ասվում է ԵՄ խորհրդի կայքում հրապարակված հաղորդագրությունում։
«Այսօր խորհուրդը որոշում է կայացրել դադարեցնել ԵՄ–ում ևս չորս լրատվամիջոցների հեռարձակումը, որոնք տարածում և աջակցում են ռուսական քարոզչությանը և Ուկրաինայի դեմ ագրեսիվ պատերազմին։ Դրանք են Voice of Europe–ը, ՌԻԱ Նովոստին, Իզվեստիան և Ռոսիյսկայա գազետան», - ասվում է հաղորդագրությունում։
Նշվում է, որ ԶԼՄ-ների հեռարձակման արգելքը չի խոչընդոտի լրագրողների գործունեությանը։ Նրանք կարող են ԵՄ տարածքում հետազոտություններ և հարցազրույցներ անել։
