ՏԵՍԱՆՅՈՒԹ․ Երևանի փողոցները՝ հորդառատ անձրևից հետո
Հորդառատ անձրևից հետո Երևանում կրկին գետեր են առաջացել, երթևեկությունը խաթարվել է: Քաղաքացիներն Auroranews-ին տեսանյութեր են ուղարկել, ինչպես նաև իրենց ֆեյսբուքյան էջերում հրապարակել են լուսանկարներ ու տեսագրություններ Երևանի տարբեր հատվածներից:
Ֆեյսբուքյան օգտատեր Արթուր Սիմոնյանն իր ֆեյսբուքյան էջում տեսագրություն է հրապարակել Նոր Նորքից դեպի Ջրվեժ գնացող ճանապարհից, որտեղ մեքենաները գրեթե կիսով չափ հայտնվում են անձրևաջրի տակ:
Ֆեյսբուքյան մեկ այլ օգտատեր Նելլի Էրիֆանովան լուսանկար է հրապարակել՝ «Նոր Նորք վարչական շրջանը անձրևից հետո» գրառմամբ, որտեղ պատկերված է, թե ինչպես են կիսով չափ անձրևաջրի տակ մնացած մեքենաները փորձում անցնել ճանապարհը:
