Սահմանազատում կատարելիս դիրքերը կարևոր չեն, կարևոր է՝ որտեղով է սահմանն անցնում․ Արմեն Գրիգորյան

Եթե սահմանազատում է կատարվում, դիրքերը կարևոր չեն, կարևոր է՝ որտեղով է սահմանը անցնում։ Այս մասին Հանրային Հ/Ը–ի եթերում ասել է ԱԽ քարտուղար Արմեն Գրիգորյանը։

«Սահմանը գծելու շրջանում, բնականաբար, մենք ՀՀ-ի համար հավելյալ անվտանգության երաշխիքներ ենք ստեղծում։ Ամբողջական կլինի այդ անվտանգության երաշխիքները, երբ որ մենք ամբողջական սահմանազատում կկատարենք։ Մենք համոզված ենք, որ այս գործընթացով ավելի շատ անվտանգության երաշխիքներ ենք ստեղծում», -ասել է Գրիգորյանը։

«Հայաստանի տարածքից որևէ միլիմետր հող չի հանձնվել։ Սահմանազատման գործընթացը հաջող է անցել և նախադեպ է ստեղծել, որ մենք շարունակենք գործընթացը։ Սահմանապահների կանգնելու փորձ ունենք Սյունիքում՝ հայ-ադրբեջանական սահմանին, և 2020 թվականից այդտեղ հիմնականում հանգիստ է եղել», -ավելացրել է Գրիգորյանը։