Մենք որևէ նման խնդրանք չենք ունեցել. Արմեն Գրիգորյանը՝ ՌԴ–ին հայկական կողմի «խնդրանքի» մասին
ՀՀ անվտանգության խորհրդի քարտուղար Արմեն Գրիգորյանը, ըստ էության, հերքեց ՌԴ նախագահի մամուլի խոսնակ Դմիտրի Պեսկովի այն հայտարարությունը, որ հայկական կողմը խնդրել է ռուսական կողմին, որ հայ-իրանական եւ հայ-թուրքական սահմանին ՌԴ սահմանապահները շարունակեն իրականացնել ծառայություն:
«Մենք ՌԴ-ին առաջարկել ենք, որ օդանավակայանում, Սիսիանում եւ Գորիսում գտնվող ռուսական բազաները եւ սահմանային 17 կետերը դուրս գան, իրենք ընդնունել են եւ հարցրել են` արդյոք Հայաստան-Իրան եւ եւ Հայաստան-Թուրքիա սահմաններից էլ ենք ուզում, որ դուրս գան: Մենք ասել ենք, որ դա պայմանագրային է եւ մենք դա չենք քննարկում: Մենք որեւէ նման խնդրանք չենք ունեցել, պատմում եմ այն, ինչ տեղի է ունեցել, թողնելով մնացածը հանրության դատին»,-ասաց նա:
