Ոստիկանները հրաժարվում են բացել ճանապարհը Բագրատ Սրբազանի և ակցիայի մասնակիցների առջև

Ոստիկանները հրաժարվում են բացել ճանապարհը Բագրատ Սրբազանի և ակցիայի մասնակիցների առջև։

Ոստիկանապետը հայտարարում է, որ փողոցը փակ է լինելու մինչև 22:00։ Հայտարարվեց, որ ժամկետը երկարաձգվել է և 20։00-ի փոխարեն փողոցները փակ կլինեն մինրև 22։00-ն։ 

Բագրատ Սրբազանը և ակցիայի մասնակիցները ուզում էին ճանապարհվել Սուրբ Աննա եկեղեցի, որպեսզի ամփոմեն օրը։

Հիշեցնենք՝ ժամը 16:00-ին Ա. Սպենդիարյանի անվան օպերայի և բալետի ազգային ակադեմիական թատրոնում EBRD միջազգային ֆորումի շրջանակներում կայացել է միջոցառում, որին մասնակցելու էր եկել Նիկոլ Փաշինյանը, իսկ Բագրատ Սրբազանի կոչով բակում շարունակում է տեղի ունենալ բողոքի ակցիա։

Ավելի վաղ Ոստիկանությունից հայտնել էին, որ միջոցառման առնչությամբ հասարակական կարգն ու անվտանգությունն ապահովելու նպատակով՝ մայիսի 15-ին, ժամը 15.00-ից 20.00-ն Օպերայի և բալետի ազգային ակադեմիական թատրոնի հարակից փողոցներում սահմանափակվելու են երթևեկությունն ու քաղաքացիների տեղաշարժը։