Էրդողանն ուշադիր հետևում է այդ հարցին․ հայտարարել են Անկարայից

Թուրքիան պարբերաբար Ուկրաինայի հակամարտության կողմերին առաջարկում է վերսկսել ստամբուլյան բանակցությունները, սակայն պատասխաններ չկան։ Այս մասին հայտնում է ՌԻԱ Նովոստին՝ վկայակոչելով Անկարայում դիվանագիտական աղբյուրին։

Այդ թեման մշտապես բարձրացվում է Թուրքիայի կողմից ամենաբարձր մակարդակով, նշել է նա։

«Պարոն նախագահը (Թայիփ Էրդողանը) ուշադիր հետեւում է այդ հարցին։ Սակայն առայժմ կողմերից որևէ կոնկրետ պատասխան չկա», - ասել է աղբյուրը։

Ապրիլին Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Լոնդոնի ուղղակի ճնշումը պատճառ է դարձել, որ Մոսկվան և Կիևը համաձայնագիր չստորագրեն 2022 թվականին Ստամբուլում կայացած բանակցություններում։ Նա նշել է, որ այդ մասին հայտնի է դարձել հենց ուկրաինական կողմից։ Պեսկովը նաև հայտարարել է, որ Կիևի հետ բանակցությունների համար ոչ մի նախադրյալ Մոսկվան չունի: