Միացյալ Նահանգները` Ալմաթիում Հայաստանի և Ադրբեջանի միջև բանակցությունների մասին
Միացյալ Նահանգները ողջունել է Ղազախստանի առաջարկը՝ մայիսի 10-ին Ալմաթիում հյուրընկալել Ադրբեջանի և Հայաստանի արտգործնախարարներին՝ երկու երկրների միջև խաղաղ համաձայնագրի շուրջ բանակցություններն առաջ մղելու նպատակով: Այս մասին հայտնում է ադրբեջանական TURAN գործակալությունը։
«Ալմաթին կարևոր, խորհրդանշական վայր է: Մենք ողջունում ենք հանդիպումը հյուրընկալելու Ղազախստանի առաջարկը»,- ասել է Պետդեպարտամենտի ներկայացուցիչը։
Նախատեսվում է, որ ԱԳ նախարարներ Ջեյհուն Բայրամովը և Արարատ Միրզոյանը փետրվարի վերջին Բեռլինում կայացած բանակցություններից հետո առաջին անգամ կհանդիպեն ուրբաթ օրը։
«Ինչպես մենք բազմիցս նշել ենք, մենք ոգևորված ենք Հայաստանի և Ադրբեջանի միջև մինչ օրս արձանագրված առաջընթացից և աջակցում ենք երկու երկրներին, երբ նրանք շարժվում են դեպի խաղաղ համաձայնագիր՝ ի շահ ողջ տարածաշրջանի»:
Պետդեպարտամենտը անցյալ ամիս ողջունել է հայտարարությունը, որ երկու երկրները համաձայնել են ընդունել 1991թ. Ալմա-Աթայի հռչակագիրը՝ որպես երկու երկրների միջև սահմանի սահմանազատման հիմք:
