Ամիրբեկովն ասել է՝ ինչ կանի Ադրբեջանը, եթե ՀՀ-ն հրաժարվի Զանգեզուրով անցնող ճանապարհից և երկաթուղուց
Այսպես ասած «Զանգեզուրի միջանցք»-ի բացումը կօգնի Հայաստանին ոչ միայն բարելավել հարաբերությունները Թուրքիայի հետ, այլեւ լրացուցիչ եկամուտներ ստանալ տարանցման վճարներից: Գերմանական «Zeit» թերթին տված հարցազրույցում նման հայտարարություն է արել Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը, հայտնում են ադրբեջանական ԶԼՄ-ները։
Ըստ Ամիրբեկովի, այս կերպ Հայաստանը նույնպես կարող էր հաղթահարել իր մեկուսացումը։
Նա ընդգծել է, որ եթե պաշտոնական Երևանը հրաժարվի Զանգեզուրով անցնող ճանապարհից և երկաթուղուց, Ադրբեջանը նման երթուղի կկառուցի Իրանի տարածքով։
«Մենք կարող ենք ճանապարհ և երկաթուղի կառուցել ավելի հարավ՝ Իրանի մեջով, և այն ընդամենը 10 կմ երկար կլինի», - ասել է նա:
