Օրբանը մեղադրել է ԱՄՆ-ին
Ամերիկյան ռազմական արդյունաբերությունը հսկայական պատվերներ է ստանում ուկրաինական հակամարտության ժամանակ, ուստի ԱՄՆ-ը ձգձգում է այն՝ Կիևին օգնության նոր փաթեթներ տրամադրելով, մինչդեռ բնակչության մեծ մասը, այդ թվում՝ Եվրոպան, շահագրգռված է խաղաղությամբ։ Այս մասին Kossuth ռադիոյի եթերում հայտրարել է Հունգարիայի վարչապետ Վիկտոր Օրբանը, փոխանցում է ՌԻԱ Նովոստին։
Վերջինս հիշեցրել է ԱՄՆ նախագահ Ջո Բայդենի հայտարարությունը՝ ԱՄՆ Կոնգրեսի կողմից Կիևին 61 միլիարդ դոլար արժողությամբ ռազմական օգնության փաթեթ ընդունելուց անմիջապես առաջ, որ «ամերիկյան տնտեսությունը բարգավաճում է Ուկրաինային ռազմական օգնություն տրամադրելուց»։
«Այժմ որոշում են կայացրել 61 միլիարդ դոլար արժողությամբ ռազմական օգնության մասին, ինչը ցույց է տալիս, որ սա հսկայական պատվեր է Ամերիկայի ռազմական արդյունաբերության համար»,-ասել է Օրբանը։
