ՏԵՍԱՆՅՈՒԹ․ Ռուս պրանկերները ՄՕԿ-ի նախագահին «ստիպել են աղոթք անել»

Միջազգային օլիմպիական կոմիտեի (ՄՕԿ) նախագահ Թոմաս Բախը ռուս հայտնի պրանկերներ Վլադիմիր Կուզնեցովի (Վովան) և Ալեքսեյ Ստոլյարովի (Լեքսուս) հետ զրույցում «աղոթք» է արել «սուրբ Վովանի և Լեքսուսի» պատվին։ Այն նվիրված էր Ռուսաստանում կայանալիք Համաշխարհային բարեկամության խաղերի կանխարգելմանը։ 

«Նրանք մայրցամաքի հերոսներն են, և եթե կրկնեք այս աղոթքը, հիանալի կլինի», - ասել է կատակասերներից մեկը։ 

Աֆրիկյան քաղաքական գործչի կերպարանքով ծպտված պրանկեր-Լեքսուսը տեսազանգ է կատարել Բախի հետ և հայտնել, որ իր երկիրը նշում է «Սուրբ Վովանի և Լեքսուսի» տոնը։ Այնուհետև նա ձեռքը դրել է կրծքավանդակին, իսկ Բախը կրկնել է նույն ժեստը և աղոթել «սրբերի» պատվին։ Դրանում նրանք խնդրել են կանխել Համաշխարհային բարեկամության խաղերը, որոնք կանցկացվեն սեպտեմբերի 15-ից 29-ը Ռուսաստանում։

Բախի հետ «աղոթքը» ընդունել է նաև Եվրահանձնաժողովի ղեկավարի տեղակալ Մարգարիտիս Սխինասը։ «Հիանալի է, հիմա, երբ մենք ունենք աստվածային ոգեշնչում, ոչինչ չի կարող սխալ լինել», - նշել է նա:

Հավելենք, որ այս ամենը ցուցադրվել է ռուսական Առաջին ալիքով «Վովանի և Լեքսուսի շոուի» շրջանակներում: