ՏԵՍԱՆՅՈՒԹ․ Իտալիայում ոստիկանները դաժանորեն ցրել են ՆԱՏՕ-ի նվիրված միջոցառմանը դեմ ցուցարարներին

Իտալացի ուժայինները ցրել են ցուցարարներին, որոնք դեմ են հանդես եկել ՆԱՏՕ-ի հոբելյանին նվիրված միջոցառման անցկացմանը․ 8 տուժած դիմել է բուժօգնության։ Այս մասին տեղեկանում ենք Readovka-ից։

Հյուսիսատլանտյան դաշինքի 75-ամյակի կապակցությամբ Իտալիայի Սան Կառլոյի թատրոնում նախատեսված համերգը խափանելու համար ցուցարարները փորձել են ճեղքել ոստիկանական պատնեշը Տոլեդո փողոցում: Սակայն «իրավապահները», հավանաբար, հրաման են ստացել, որ ոչ ոք չպետք է անցնի։ Նրանք սկսեցին մահակներով դաժանորեն ծեծել մարդկանց և ավելի հեռու մղել։ Նշվում է, որ դրա հետևանքով տուժել է 8 մարդ, երեքը գլխի և դեմքի վնասվածքներ են ստացել։ 

Ցուցարարների կարծիքով ՝ քաղաքային իշխանությունները չպետք է ՆԱՏՕ-ի ռազմատենչ միջոցառումն անցկացնեին Սան Կառլոյի թատրոնում, որը քաղաքի մշակութային խորհրդանիշներից մեկն է: Ագրեսիվ պատերազմներ պարտադրող կազմակերպությունը չպետք է նման վայրում կազմակերպի իր կրկեսը։

Հաղորդվում է, որ ամբողջ օրվա ընթացքում փակ է եղել մուտքը դեպի այն թաղամաս, որտեղ տեղի է ունենալու միջոցառումը: