Պուտինի և Մակրոնի շփումների ծրագրեր կա՞ն․ Պեսկովը պատասխանել է

Ռուսաստանի և Ֆրանսիայի նախագահներ Վլադիմիր Պուտինի և Էմանուել Մակրոնի միջև զրույցի ծրագրեր դեռ չկան, սակայն Ռուսաստանի առաջնորդը բաց է երկխոսության համար: Այս մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը ՝ պատասխանելով ՏԱՍՍ-ի հարցին։

«Նախագահ Պուտինը շարունակում է բաց մնալ երկխոսության համար։ Նա ակտիվ միջազգային երկխոսություն է վարում նրանց հետ, ովքեր հետաքրքրություն են ցուցաբերում մեր երկրի հետ հարաբերությունների զարգացման հարցում։

Պուտինը միշտ բաց է երկխոսության համար` բարդ, երբեմն ամենաբարդ, համաշխարհային և տարածաշրջանային խնդիրների լուծման»,-ասել է Պեսկովը։

Ավելի վաղ ՌԴ պաշտպանության նախարար Սերգեյ Շոյգուն հեռախոսազրույց է ունեցել Ֆրանսիայի պաշտպանության նախարար Սեբաստիեն Լըկորնյուի հետ։