Գրեթե ամբողջությամբ ոչնչացվել են Խարկովի կարևոր ենթակառուցվածքները․ Տերեխով

Ռուսական բանակը գրեթե ամբողջությամբ ոչնչացրել է Խարկովի կարևոր ենթակառուցվածքները։ Այս մասին «Լիգա» կայքին տված հարցազրույցում ասել է Խարկովի քաղաքապետ Իգոր Տերեխովը։

«Ես չգիտեմ, թե որն է թշնամու ծրագիրը: Գրեթե բոլոր կարևոր էներգետիկ ենթակառուցվածքներն արդեն ոչնչացված են, մասնավոր ենթակառուցվածքները՝ նույնպես: Ռուսաստանը ցանկանում է մեզ վախեցնել, բայց դա անհնար է: Երկու տարվա ընթացքում մենք տեսել ենք տարբեր սպառնալիքներ, ժամանակ է եղել, երբ երկու 2 բնակիչներից ընդամենը 300 հազարն են մնացել: Էներգետիկ ոլորտի համար իրավիճակը շատ ծանր է»,- ասել է նա։ 

Քաղաքապետի խոսքով՝ չնայած հրետակոծություններին և հոսանքազրկման սպառնալիքին, քաղաքում մնում է մոտ 1 միլիոն 300 հազար բնակիչ՝ մի քանի հարյուր հազարով պակաս, քան պատերազմից առաջ: Ավերված ենթակառուցվածքների վերականգնման համար, ըստ գնահատումների, առնվազն 10 մլրդ դոլար կպահանջվի: