Հրդեհ՝ Զորական գյուղում. այրված տանը 54-ամյա քաղաքացու դի է հայտնաբերվել

Տավուշի մարզի Զորական գյուղում տանը հրդեհ է բռնկվել, ինչի հետևանքով այն ամբողջությամբ այրվել է։ Տեղեկությունը հայտնում է ՀՀ ՆԳՆ փրկարար ծառայությունը։

Դեպքի մասին ահազանգը ստացվել է մարտի 29-ին, ժամը 15:41-ին։

«Դեպքի վայր է մեկնել 2 մարտական հաշվարկ: Տան ներսում հայտնաբերվել է 1970 թ. ծնված Ս. Մ.–ի դին»,– ասված է հաղորդագրությունում։

Հրդեհը մեկուսացվել է ժամը 16:24-ին, մարվել՝ 16:47-ին: Այրվել է տունը` մոտ 63 քմ։