ՌԴ գլխավոր դատախազությունը սկսել է Պուգաչովային «օտարերկրյա գործակալ» ճանաչելու ընթացակարգը

Ռուսաստանում սկսվել է ռուս երգչուհի Ալլա Պուգաչովային «օտարերկրյա գործակալ» ճանաչելու գործընթացը: Այս մասին Telegram ալիքում հայտնել է անվտանգության և կոռուպցիայի դեմ պայքարի դաշնային նախագծի ղեկավար Վիտալի Բորոդինը։

Նա հստակեցրել է, որ իր դիմումի համաձայն Գլխավոր դատախազությունը համապատասխան դիմում է ուղարկել Արդարադատության նախարարություն:

«Սկսվել է Ալլա Պուգաչովային օտարերկրյա գործակալ ճանաչելու ընթացակարգը, դատախազությունը համապատասխան դիմում է ուղարկել ՌԴ արդարադատության նախարարությանը Պուգաչովային ճանաչել որպես օտարերկրյա գործակալ։ Հուսով եմ ՝ վերահսկող մարմիններն այս գործը կհասցնեն մինչև վերջ», — գրել է Բորոդինը։

Ինչպես գրում են ռուսական լրատվամիջոցները՝ Պուգաչովային պահանջել էին «օտարերկրյա գործակալ» ճանաչել նրա այն արտահայտությունից հետո, ըստ որի՝ «նորմալ մարդիկ չեն պատրաստվում վերադառնալ Ռուսաստան»։