ՏԵՍԱՆՅՈՒԹ․ Ավտոարշավի ժամանակ մեքենան մխրճվել է հանդիսատեսի մեջ, կան զոհեր և վիրավորներ․ Հունգարիա
Հունգարիայում ավտոարշավի ժամանակ մրցարշավային մեքենան կորցրել է կառավարումը և մխրճվել է բազմության մեջ, ովքեր հետևում էին մրցավազքին։ Պատահարի արդյունքում 4 մարդ զոհվել է, իսկ տուժածների թվում կա մեկ երեխա։
Մեքենան դուրս է եկել ճանապարհի սահմաններից և ամբողջ արագությամբ մխրճվել հանդիսատեսի մեջ: Միջադեպի հետևանքով 4 մարդ զոհվել է, առնվազն 8-ը՝ վիրավորվել, որոնց թվում կա մեկ երեխա: Այս մասին մարտի 24-ին հայտնել Է Հունգարիայի ոստիկանությունը։
Ողբերգությունը տեղի է ունեցել Լաբաթլան և Բայոտ քաղաքների միջև՝ Կոմար-Էսթերգոմա երկրամասում տեղի ունեցած ավտոարշավի ժամանակ:
Ողբերգության վայր են ժամանել շտապօգնության ութ մեքենաներ և չորս փրկարարական ուղղաթիռներ: Ոստիկանությունը հայտնել է, որ վթարի պատճառը դեռևս հայտնի չէ։
Դեպքը տեղի է ունեցել կիրակի օրը, սակայն այսօր համացանցում տեսանյութ է տարածվել։
