Հռոմի պապը` «Կրոկուս Սիթի Հոլում» տեղի ունեցած ահաբեկչության մասին
Հռոմի Ֆրանցիսկոս պապը ցավակցություն է հայտնել «Կրոկուս Սիթի Հոլում» տեղի ունեցած ահաբեկչության կապակցությամբ: Նա տեղի ունեցածը անմարդկային գործողություն է որակել:
«Աղոթում եմ Մոսկվայում տեղի ունեցած դաժան ահաբեկչության զոհերի համար։ Թող Տերը ընդունի նրանց հոգիներն աշխարհի իր թագավորությունում և հանգստացնի նրանց սիրելիներին: Թող փոխի նրանց սրտերը, ովքեր կատարում են այդ անմարդկային գործողությունները, որոնք վիրավորում են Աստծուն», - ասել է քահանայապետը կիրակիի տոնական պատարագի ավարտին:
Հիշեցնենք՝ մարտի 22-ի երեկոյան «Կրոկուս Սիթի Հոլլ»–ում համերգից առաջ հրաձգություն և հրդեհ է տեղի ունեցել։ Ըստ Քննչական կոմիտեի` ահաբեկչության հետևանքով զոհերի թիվը հասել է 133-ի, տուժածների թիվը հասել է 154-ի:
