Ահաբեկիչները մտադիր էին հատել Ռուսաստանի Դաշնության և Ուկրաինայի սահմանը
Բրյանսկի մարզում ձերբակալված ահաբեկիչները մտադիր էին հատել Ռուսաստանի Դաշնության և Ուկրաինայի սահմանը, «համապատասխան շփումներ են ունեցել ուկրաինական կողմի հետ»: Այս մասին հայտնում է ԱԴԾ հանրային կապերի կենտրոնը, փոխանցում է «ՌԻԱ Նովոստի» - ն։
Ինչպես նշել են ԱԴԾ-ում, ահաբեկչությունը մանրակրկիտ ծրագրված էր։ Ահաբեկիչների կիրառած զենքը նախապես պատրաստվել է թաքստոցում։
Ըստ SHOT տելեգրամյան ալիքի` նրանք պատրաստվում էին թաքնվել անտառի մի հատվածում, որտեղ նրանց պետք է դիմավորեին հանցակիցները։ Ռուսական հատուկ ծառայությունները, կրակ բացելով մեքենայի ուղղությամբ, թույլ չեն տվել, որ կասկածյալները հասնեն այդտեղ։
