Սիրում ենք Հայաստանն ու հայ ժողովրդին, չենք ուզում նոր տառապանքներ բերել․ ՀՀ վարչապետ

Հայաստանի շուրջ անվտանգային իրավիճակը շարունակում է մնալ լարված։ Այս մասին ասուլիսի ժամանակ հայտարարեց վարչապետ Նիկոլ Փաշինյանը:

«Շատ կարևոր է, թե մենք ինչպես ենք վերաբերվում այդ իրավիճակին: Մենք այդ իրավիճակին պետք է վերաբերվենք որպես մի հարցի, որի կառավարման պատասխանատվությունը մերն է, առաջին հերթին՝ ՀՀ կառավարությանը», - ասաց նա:

Փաշինյանի խոսքով` Հայաստանի անվտանգության ապահովման գործում պետք է շեշտը դնել լեգիտիմության վրա:

«Նկատի ունենք ՀՀ տարածքը ու այդ սահմանագծից դուրս մենք ոչ մի հավակնություն չպետք է ունենանք, որովհետև այդ սահմանագծից դուրս ցանկացած հավակնություն օգտագործվելու է որպես մեր խոցելի տեղ ու օգտագործվելու է մեր լեգիտիմության դիրքերը խախտելու համար», - նշեց ՀՀ վարչապետը:

Վարչապետի խոսքով` իրենք սիրում են Հայաստանն ու հայ ժողովրդին, դրա համար են գնում լուծումների։

«Չենք ուզում նոր տառապանքներ բերել ժողովրդին», - ասաց նա: