ՌԴ-ի առաջխաղացումը դադարեցվել է, նրանց բանակը կորցնում է մեծ քանակությամբ կենսական ուժեր․ Զելենսկի

Նախագահ Վլադիմիր Զելենսկին հայտարարել է, որ իրավիճակը ճակատում «շատ ավելի լավ է, քան վերջին երեք ամիսների ընթացքում»: Ռուսաստանի առաջխաղացումը դադարեցվել է, սակայն իրավիճակը կարող է փոխվել, եթե պաշտպանական ուժերը բավարար աջակցություն չստանան։ Այս մասին ասել է նա ֆրանսիական BFMTV Մեդիային տված հարցազրույցում:

«Իրավիճակը շատ ավելի լավ է, քան վերջին երեք ամիսներին»,- հայտարարել է նա՝ մանրամասնելով, որ հենց նոր է լքել ռազմական խորհրդակցությունը:

Նախագահի խոսքով՝ Ուկրաինան դժվարություններ է ունեցել հրետանային զինամթերքի բացակայության, «օդային շրջափակման», ռուսական հեռահար զենքի և օկուպանտների անօդաչու թռչող սարքերի մեծ խտության պատճառով:

Սակայն, Զելենսկին նշել Է՝ Ռուսաստանի առաջխաղացումը դադարեցվել է, իսկ նրանց բանակը «կորցնում է մեծ քանակությամբ կենսական ուժեր»։ Սակայն նա նշել է, որ այդ իրավիճակը կարող է փոխվել «մեկ ամսից կամ մեկ շաբաթից», եթե ուկրաինական բանակը բավարար աջակցություն չստանա:

Ինչ վերաբերում է ռուսների կողմից Ավդեևկայի օկուպացիային, Զելենսկու կարծիքով՝ ՌԴ-ն չի գրավել քաղաքը, այլ ամբողջությամբ ավերել է այն։ Այս կապակցությամբ նա նշել է հեռահար զենքում զավթիչների առավելությունը՝ Արևմուտքին կոչ անելով այն մատակարարել Ուկրաինային։ Նրա խոսքով՝ ՌԴ-ն «20 կմ առաջ է» Ուկրաինայից։