Պուտինին ձերբակալելու օրդեր տված դատավորը ընտրվել է ՄՔԴ-ի նոր նախագահ
Միջազգային քրեական դատարանի նոր նախագահ է ընտրվել դատավոր Տոմոկո Ականեն։
Ականեն այն դատավորներից մեկն է, որը ձերբակալության օրդեր է տվել Ռուսաստանի նախագահ Վլադիմիր Պուտինի համար:
«Ինձ համար մեծ պատիվ է ընտրվել իմ գործընկեր դատավորների կողմից Միջազգային քրեական դատարանի նախագահի պաշտոնում։ Այս դժվարին պահին դատարանի համար պահանջվում է կայուն, համագործակցության վրա հիմնված և միասնական ղեկավարություն», - հայտարարել է Ականեն ։
Նրա խոսքով ՝ ինքը մտադիր է կենտրոնանալ դատարանի մարմինների միջև երկխոսության զարգացման, ինչպես նաև մասնակից պետությունների և այն պետությունների հետ երկխոսության ամրապնդման վրա, որոնք դեռ չեն վավերացրել Հռոմեական կանոնադրությունը:
Նա միջազգային քրեական դատարանը կգլխավորի մինչև 2027 թվականը։
