Սաակաշվիլիի փաստաբանը Վրաստանում նոր կուսակցություն է ներկայացրել
Վրաստանի նախկին նախագահ Միխեիլ Սաակաշվիլիի փաստաբան Նիկա Գվարամիան Վրաստանի «Միացյալ ազգային շարժում» կուսակցության նախկին առաջնորդ Նիկա Մելիայի հետ ներկայացրել է «Ախալի» կուսակցությունը։ Այս մասին հայտնում է Sputnik Georgia գործակալությունը։
«Սաակաշվիլիի փաստաբան և ընդդիմադիր «Մտավարի արխի» հեռուստաալիքի հիմնադիր Նիկա Գվարամիան միավորվել է «Միացյալ ազգային շարժման» նախկին առաջնորդ Նիկա Մելիայի հետ։ Նրանք միասին այսօր ներկայացրել են Ախալի կուսակցությունը»,-ասվում է գործակալության հաղորդագրության մեջ:
Նշվում է, որ կուսակցությունը մասնակցելու է հոկտեմբերի 26-ին Վրաստանում կայանալիք խորհրդարանական ընտրություններին։
