ՀԱՊԿ-ից նոր հայտարարություն են արել ՀՀ-ի վերաբերյալ
Երևանը վերջին շրջանում չի մասնակցում Հավաքական անվտանգության պայմանագրի կազմակերպության քարտուղարության աշխատանքներին, սակայն որևէ պաշտոնական հայտարարություն Հայաստանի՝ ՀԱՊԿ-ում անդամակցությունը դադարեցնելու մասին չկա։ Այդ մասին ТАСС-ին տված հարցազրույցում հայտարարել է ՀԱՊԿ գլխավոր քարտուղար Իմանգալի Տասմագամբետովը․
«Երևանն իսկապես վերջին շրջանում չի մասնակցում ՀԱՊԿ քարտուղարության աշխատանքներին։ Սա Հայաստանի որոշումն է այս փուլում, և մենք, որպես միջազգային կազմակերպություն, հարգում ենք ինքնիշխան պետության ցանկացած որոշում»,- նշել է Տասմագամբետովը` հայտնելով, որ կազմակերպության գործունեությունը շարունակվում է ամբողջ ծավալով, և որ ընդունվող և ընդունված որոշումների մասին քարտուղարությունը աշխատանքային ռեժիմով տեղեկացնում է համապատասխան կառույցներին Երևանում։
