Շարունակում են միջամտել մեր ներքին գործերին․ Պատրուշև

ԱՄՆ-ն և նրա դաշնակիցները սադրանքների և ապատեղեկատվության միջոցով փորձում են անջատողական գործընթացներ սկսել Հյուսիսային Կովկասում: Այս մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը, հայտնում է ՏԱՍՍ-ը:

«Միացյալ Նահանգները և նրա դաշնակիցները շարունակում են միջամտել մեր ներքին գործերին, որպեսզի մեզ ներսից թուլացնեն, ապակայունացնեն իրավիճակը, մեծացնում են ջանքերը Հյուսիսային Կովկասում բողոքի և անջատողական գործընթացների ոգեշնչելու համար, օգտագործում են Արևմուտքի կողմից վերահսկվող հասարակական կազմակերպությունները՝ ակտիվորեն կիրառելով սադրանքները, ապատեղեկատվությունը, բացասական տեղեկատվության և հոգեբանական ազդեցության տեխնոլոգիաները»,- ասել է Պատրուշևը: